Kolaudimi i mjeteve nuk do të jepet me koncesion vitin e ardhshëm. Këtë e konfirmoi ministrja e Financave Delina Ibrahimaj në Komisionin e Ekonomisë, i cili miratoi nën për nen buxhetin 2022, duke shtuar se janë rishikuar në ulje edhe pagesat për kontratat e reja të planifikuara.

Anëtarët e komisionit votuan ndër të tjera një sërë ndryshimesh nga drafti fillestar i buxhetit me shtesa fondesh për disa institucione me vlerë totale prej 1.7 miliardë, teksa miratuan edhe kalimin e fondit prej 500 milionë lekë si transfertë sektoriale për 21 bashki të vendit për menaxhimin e mbetjeve.

Buxheti 2022 prej më shumë se 5.2 miliardë euro dhe një plan të ardhurash prej 4.4 miliardë euro së bashku me paktën fiskale do t’i kalojë parlamentit për miratim në seancën e ardhshme plenare.

Radari.al