Ditën e djeshme Fiks Fare ka denoncuar rastin e një të miture se cila kërcënohej se do ta trafikonin për prostitucion. Ngjarja e cila ka ndodhur në Fier dhe për shkak të mosveprimit të policisë nëna e të miturës i është drejtuar emisionit Fiks Fare.

Pas denoncimit ka ardhur edhe reagimi nga policia e shtetit duke thënë se “Drejtori i Përgjithshëm i Policisë së Shtetit Gledis Nano, menjëherë pas transmetimit, e ka vlerësuar me përgjegjësi të lartë këtë rast dhe ka urdhëruar Drejtorinë e Standardeve Profesionale në Policinë e Shtetit, për të dërguar në Drejtorinë Vendore të Policisë Fier nje grup pune, njofton policia.

Njoftimi i polotë i policisë:

Përshëndetje të nderuar,

Në lidhje me rastin e transmetuar mbrëmjen e djeshme në emisionin investigativ që ju prezantoni, ku një shtetase e mitur në Fier denoncon për neglizhencë të Policisë për trajtimin e denoncimit të bërë nga ana e saj, dua t’ju informoj se:

Drejtori i Përgjithshëm i Policisë së Shtetit Gledis Nano, menjëherë pas transmetimit, e ka vlerësuar me përgjegjësi të lartë këtë rast dhe ka urdhëruar Drejtorinë e Standardeve Profesionale në Policinë e Shtetit, për të dërguar në Drejtorinë Vendore të Policisë Fier, një grup pune, me qëllim verifikimin e proceduarave standarde të ndjekura nga ana e strukturave të Policisë Fier, si dhe të pretendimeve që shtetasja e mitur dhe nëna e saj kanë ndaj veprimeve të Policisë.

Ju faleminderit për mirëkuptimin dhe bashkëpunimin!

Ditë të mbarë!

Koordinatori për informim në Policinë e Shtetit

Gentian Mullaj

Denoncimi në Fiks Fare:

Denoncon në polici se duan t’i trafikojnë vajzën për prostitucion, të nesërmen vajza e mitur dhunohet rrugës, kur po kthehej nga shkolla.  Ngjarja ka ndodhur në Fier dhe për shkak të mosveprimit të policisë nëna e të miturës i është drejtuar emisionit Fiks Fare.

Manjola Cania tregon se vajzën e saj të mitur kanë dashur ta trafikojnë njerëz të panjohur. Në momentin që vetë vajza ja ka treguar diçka të tillë nënës, zj. Manjola  i është drejtuar policisë për të denoncuar. Por vetëm një ditë pas denoncimit në polici vajza e saj e mitur është dhunuar në rrugicat e lagjes, ditën me diell kur po kthehej nga shkolla.

Nëna tregon se të dyja jetojnë në kushte të vështira ekonomike dhe se të vetme të ardhura i sigurojnë nga mbledhja e kanaçeve bashkë me të bijën. Ajo tregon edhe ngjarjen se si u njoh vajza me këta persona. Nga gjendja e mjerueshme ajo  u pohon gazetarëve të Fiksit se fillimisht vajzës së saj të mitur i është afruar një vajzë e re, ku i ka kërkuar që t’i pastrojë shtëpinë kundrejt pagesës.  Pasi kanë shkëmbyer numrat e telefonit vajzat kanë filluar të komunikojnë me njëra tjetrën. Më pas  15 vjeçares i është kërkuar që të kryej marrëdhënie seksuale kundrejt pagesës.  E vënë në dijeni nga vajza zj Manjola i është drejtuar për shtatë ditë rresht Policisë Fier për të denoncuar këtë ngjarje, por asnjëherë nuk është pritur nga  blutë e Fierit. Sipas saj në komisariat i nxirrnin justifikime të ndryshme , njëherë nuk ishte psikologia e njëherë nuk ishte shefi.

Gazetarët e Fiksit pyesin edhe 15 vjeçaren e cila tregon të njëjtat gjëra .  Me kërkesë të nënës së saj e mitura pajiset me kamer të fshehtë dhe jep dëshminë pas shtatë ditësh që nuk pritej  në komisariat, në prani të shefit dhe OPGJ-së Daniel Noka.E mitura rrëfen sesi i është kërkuar të marrë para në këmbim të seksit si fillim në Shqipëri dhe më vonë të udhëtonte drejt Gjermanisë. Ndërkohë në sms-të e zbardhura mes të miturës dhe vajzës tjetër, duket qartë biseda ku i kërkohet të shesë trupin për para. Punën e  të miturës  do ja menaxhonin nëpërmjet një faqe në facebook. E mitura do shfaqej me  trup të zhveshur dhe  do t’i vendosej edhe çmimi. Ndërkohë 1 muaj pas këtij denoncimi nëna e të miturës thotë se shteti nuk ka bërë asgjë. “Vajzës i vijnë kërcënime nga personat që denoncuam” shprehet ajo.  Interesohet në komisariat  se çfarë po bëhet me çështjen e saj dhe merr të njëjtën përgjigje  sa herë.  Shefi  është me pushime gjithashtu edhe prokuroria është me pushime. Nëna telefonon edhe inspektorin e zonës Jozef Kongjonin, por edhe ky ia pret shkurt duke i thënë të marrë 129!

Radari.al