Tea Trifoni, tashmë moderatore në “Goca dhe Gra” prej kohësh pranon hapur lidhjen e saj të dashurisë. Edhe pse ka dashur ta mbaj sekret partnerin, rrjeti ka rënë në gjurmët e tij dhe ka zbuluar se ai është Enkelo Hoxha.

Çifti dukej se ishin mjaft të dhënë pas njëri tjetrit e madje i dashuri e surprizoi Tean në nisjen e emisionit të saj me një buqetë me lule.

Por çifti nuk mund t’i shpëtojë vëzhgimit të fansave dhe së fundmi vihet re se nuk ndiqen më në Instagram, detaj ky që ka paralajmëruar jo rrallë herë ndarjen e çifteve më të famshëm të showbizit.

Fation Kuqari te Shqipëria Live tregoi pak për mikun e tij dhe Tean, se si u njohën, por ai nuk donte të fliste më shumë.

Ishim bashkë, na prezantoi tavolina, ata u panë, u pëlqyen, ndërruan numrat dhe folën me njëri-tjetrin. Nuk kam ndërhyrë fare se nuk më pëlqen kjo gjë”, u shpreh ish-konkurrenti duke thënë se nuk e di nëse janë bashkë apo jo dhe nuk preferoi që të zgjatej më në lidhje me këtë temë.

Kujtojmë se më herët Tea ka folur për partnerin e saj në emisionin më të ri në “Top Channel” – “Goca dhe Gra”, ku bën pjesë ajo, bashkë me Fatmën, Olesian dhe Kristën.

“E kam njohur së fundmi prandaj them që jam akoma në njohje. Jemi njohur në një festë ditëlindje rastësisht. Ai nuk e njihte të zotin e ditëlindjes, as unë nuk e njihja ta zotin e ditëlindjes dhe ishim kështu të përjashtuar nga grupi edhe u bashkuam bashkë”, tha Tea pa dhënë më tepër detaje.

Radari.al