Kungulli i verdhë i vjshtës, për të cilin ju kemi folur gjatë këtyre ditëve, e ju kemi propozuar receta të ndryshme, përveçse në ëmbëlsirë, supë, salcë makaronash apo gatime të tjera, përdoret edhe në një dietë të posaçme. Vetëm se, duhet të dini që mund ta bëni vetëm në këto ditë sepse nuk keni ku e gjeni në sezonet e tjera të vitit! Dieta me kungull të verdhë zgjat 2 javë dhe parashikon humbjen e 6 kilogramëve! Përveç se ju përmirëson linjat, do t’ju pastrojë edhe trupin! Kungujt janë burim i mirë i fibrave natyrore. Vetëm një gjysmë filxhan kungull ju jep 5 gramë fibra të cilat ndihmojnë në përmirësimin e tretjes.

Llojet e ushqimeve që mund të hani

Menuja e kësaj diete jepet vetëm për katër ditë dhe më pas, përsëritet nga dita e parë. Nis me mëngjesin kur mund të pini një lëng kungulli me portokalle e limon, pastaj vijon në drekë, me supë kungulli. Darka parashikon vetëm kungull të pjekur në furrë, të shoqëruar me pak vaj ulliri! Menuja e ditëve të tjera vijon pothuajse në të njëjtën mënyrë! Supa është gjithnjë e pranishme ndërsa mund të shtoni për darkë një fetë bukë integrale si dhe ta përdorni kugullin në sallatë, shoqëruar me gjethe të tjera jeshile! Pra, mos i shtoni shumë karbohidrate dietës së përditshme…Përdorni drithërat në mëngjes dhe më pas kalojeni ditën vetëm me sallatë perimesh ose supë me krem kungullit. Ditën e tretë dhe të katërt mund t’i shtoni supës edhe patate.

Radari.al